| Antonio 的个人资料Home do Tempo照片日志列表 |  工具  帮助 |
|
2008/3/21 A música en Cedeira e o seu contornoHola a todos: Facía xa tempo que non poñía un post no espazo, e non podería retomalo cunha mellor nova, en breve estará en tódalas librerías de Cedeira (e tamén algunhas de Ferrol) un libro de gran interese para tódolos que nos consideramos amantes da música; 528 páxinas de legado musical cedeirense, 226 páxinas de historia da música e o resto partituras e transcricións musicais. Con isto, deixo unha carta do autor, José Antonio Suárez Aneiros, que describe o porqué da necesidade deste libro e os contidos do mesmo: A idea de acometer un traballo desta envergadura non é froito da casualidade nin da improvisación: é unha arela que teño no meu maxín dende hai anos. Sempre me gustou recorda-las cantigas e lembranzas musicais dos devanceiros e, por iso, dende moitos anos atrais veño recopilando materiais con esa intención, anque nunca pensei facer un traballo tan longo. A miña preocupación fundamental é salvagarda-la historia etnomusical das nosas xentes, recupera-la memoria histórica e transmiti-la ós nosos fillos, para que vexan que os que nos precederon tiñan uns sentimentos (hoxe quizais pouco cultivados), que se reflectían nos cantos, baladas, coplas, etc. que marcaron distintas épocas. O libro consta de dúas partes ben diferenciadas: unha parte histórico-literaria e outra de transicións musicais (partituras), divididos os dous apartados noutros máis concretos: - Xeneralidades históricas e historia da música da zona - Cancioneiro de San Andrés de Teixido - Coplas populares da zona - A Virxe do Mar, Cedeira e a Literatura - O Antroido - O Vilancico Tendo en conta a grande influencia da relixión na música dos pobos é polo que quixen adicar un capítulo especialmente a San Andrés de Teixido, recollendo nun corpus coplas e cancións inéditas, e outras que estaban espalladas en distintas publicacións. Dar a coñecer músicas e músicos que tiveron sona e renome noutrora ou que pasaron desapercibidos, tanto de Cedeira coma de Ortigueira, Cariño; ... esa é a miña intención; a nosa terra inspirou ó pobo, á xente, e esta ten para cada intre emocional unha cantiga que harmoniza e rima co sentir das persoas. O legado que aquí se recolle, froito de centos de anos coido que é mester non esquecelo, e mantelo vivo correspóndenos a todos.  Biografía do autor:  Noraboa papá! Éncheme de orgullo o que estás facendo pola música e por Cedeira. Espero que teña unha moi boa acollida, xa que o mereces por todo o que levas traballado. 引用通告此日志的引用通告 URL 是： http://homedotempo.spaces.live.com/blog/cns!D4374D22C0920964!4295.trak 引用此项的网络日志
|
|
|
