Hola mozazada!

 

Vaia maneira de comezar esta etapa na Coruña... Quen me ía dicir que ía facer os 10 km? Pois si, e nun tempo máis que aceptable tendo en conta que comecei a baixar os excesos estivais dende que estou de "okupa" pola cidade herculina.

 

A idea naceu de Juan, que para os que non o coñecedes, é un coleguilla de Cedeira moi afeccionado ó deporte, e que me incitou a reingresar no ximnasio para a rehabilitación corpórea fai cousa dun mes. Así, mentras me saco o permiso de conducir, rebaixo as cigalas e langostinos das tres últimas vodas... Estudo e deporte... Xa sabedes, Mens sana in corpore sano...

 

 

 

Normalmente Juan está en forma, pero dende que se casou foise descuidando (a curva da felicidade e todas esas cousas... Antes facía os 10 km en 45 minutos e rematou a carreira en 51 minutos, :S), polo que me convenceu para correr esta marcha de 10 km... A preparación non é que fora a máis axeitada, tendo en conta as vodas do medio e máis as parrandadas múltiples. Menos aínda que o día antes da carreira nos dera por quedar e acabar a Gyn&Tonics... Cousa que pasou factura indudablemente :P

 

Pois iso, ás 9 da mañá en pé, ducha, almorzo e arrancando para o "Obelisco", para Juan o dorsal 981 e o 982 para un servidor; quecemento suave (non fóra que o corpo "escombro" derrumbase) e a situarse... Alí había preto de 2000 persoas.

 

 

Así nos fumos colocando en función dos tempos, xa sabedes, con marcas que rondan os 30 minutos en primeira liña e así progresivamente (pois coma un servidor non correra nunca unha cousa desta, colocámonos atrás de todo...).

 

 

Pois ben, a cousa comezou puntual e ás 11:00 da mañá xa estabamos en movemento... En movemento e andando, porque claro, onde estabamos e coa morea de xente diante, prácticamente íamos a paso de tartaruga... Así que ó tempo rexistrado polo chip da organización hai que restarlle uns minutiños :P...

 

O percorrido foi o seguinte:

 

 

Saída:

Cantóns (Zona Obelisco)

Percorrido:

Cantón Grande. Avenida da mariña. Avenida de Montoto. Porta Real. Paseo da Dársena. Paseo do Parrote. Paseo Xeneral Sir John Moore dirección Castelo de San Antón. Paseo de Ánimas. Paseo Marítimo (Orillamar, Pelamios, Club do Mar, Cidade deportiva da torre, Casa dos Peixes, Casa do home). Matadoiro (Hotel Melia María Pita). Avda. Pedro Barrié da Maza. Buenos Aires(ida). Praza de Portugal (ida). Paseo de Ronda/Pazo de Deportes (ida). Rotonda das Escravas (ida). Manuel Murgía (ida). Casa do Auga (xiro). Manuel Murgía (volta). Paseo de Ronda/Pazo de Deportes (volta). Praza de Portugal (volta). Buenos Aires (vola). Avda. Rubine. Praza de Pontevedra (carril bus). San Andrés. Santa Catalina. Cantón Grande (ida). Avenida da mariña (ida). Avenida de Montoto (ida). Rotonda de Porta Real. Avenida de Montoto (volta). Avenida da mariña (volta). Cantón Grande (volta).

Meta:

Cantóns (Zona Obelisco)

E nada, simplemente moverse un como puidera... Mágoa no habituallamento que me deron mal o botellín e perdín o ritmo, cousa que afectou neses dous minutos de diferencia có meu compañeiro de carreira. O resto xenial, algún que outro susto coa ambulancia indo e vindo e pouco máis que dicir...

 

Un tempo máis que aceptable (para un servidor) de 53:37, cotexable na páxina da Federación Galega de Atletismo (para os máis incrédulos, Flete vai por ti... :P). Só os corredores que remataran antes da hora e vinte minutos rexistraban o tempo... Menos mal... Por certo, gañou o corredor marroquí Hamid el Mouzaiz cun tempo de 29:49... Moi suave, moi fino... Si señor...

 

 

 

E nada, unha experiencia moi recomendable, a cal me serve para seguir correndo e preparar xa a seguinte carreira en Santiago o 26 de Outubro (12 km), así que se vos apuntades, mellor que mellor.

 

PD: Como anécdota e detalle a reseñar a de dous rapaces de quince anos que deron "exemplo" tirando á basura dous dos agasallos da Voz de Galicia, un tomo da Historia de Galicia e mai-lo Mapa Histórico de Galicia... Si señor, denotando un gran interese pola cultura galega e amosando unha vez máis para onde tiran as novas xeracións... Bueno, dirán uns, polo menos correron e non foron de botellón... En fin...